13 Республика Мордовия
Дата публикации: 08.02.2013
Издание: "Эрзянь правда", 7 февраля 2013 г.
Тема: Итоги
Источник:
печать
Течи Мордовия Республикасо Налогонь Федеральной службань управлениясо ютавтовсь коллегия,конась алтавсь те ведомствасонть 2012 иестэ теезеньтень ды тедедень аравтлувонтень.
Основной докладонть тиезе МР-со Россиянь УФНС-нь прявтось
М.Г.Лушенкова.
Мария Григорьевна пачтямосонозо тешкставсь Мордовиянть социально-экономической паро енкстнэде, конатнень вельде Россиянь Федерациянь консолидированной бюджетс налогонь пандоматнеде пуромсть 21 млрд. 374 млн. целковойть. Манынь коряс те суммась кассь 2 млрд. 530 млн. целковойс эли 13 процентс. Тень пингстэ пурназь налогтне, пек седе покш сыця инфляциянть (2012 иестэ - 104,7%) коряс. Те корты налогонь администрированиянть седе паролгадомадонзо.
Кавто колмоце пелькстнэ (67%) савить экономикасо тевтнень базань вете видтнэс: "Обрабатывающие производства" енксось макссь 41 процент весе сазь ярмактнестэ эли 8 млрд. 714 млн. целковойть. Те 17% седе ламо 2011 иенть коряс. Строителень отраслянть ендо сась 1 млрд. 990 млн. целковойть эли 9,3% (кассь 12% - 2011 иентень).
Иестэ иесь налогонь коряс грамотностень кастомантень ды кулятнень содамонтень явови седе покш мель. Тень туртов тевс нолдавить весе уликс китне-янтнэ. Налогонь органонь важодицятне сермадыть статьят казетатнес, анокстыть передачат, ютавтыть семинарт бухгалтертнэнь туртов ды эрицятнень туртов "панжадо кенкшть", важоди Консультативной пунктось ды истя седе тов.
Сехте эрявиксэкс теевсь Управлениянь официальной интернет-сайтось. Неень шкане налогонь службань сайтсо улить 32 электронной сервист.
Икеле ладсо ламо совицятнеде "Узнай свою задолженность", "Личный кабинет налогоплательщика для физических лиц", "Проверь себя и контрагента" сайттнэс. Коллегиясонть ванкшновсть ламо лия кевкстематкак.